1934 – Eitrað fyrir fólki í Ingólfsapóteki

Þrír sjúklingar hætt komnir eftir mistök lyfjafræðings
Arsenik Þrír sjúklingar hætt komnir eftir mistök lyfjafræðings

Þann 7. apríl árið 1934 áttu sér stað skelfileg mistök í Ingólfsapóteki þegar þrír sjúklingar fengu eitur í stað meðals. Bílstjóri einn og tvær konur komu í apótekið og báðu um amidophyrin, bólgueyðandi meðal, en fengu þá arsenikblöndu í staðinn. Efnunum hafði þá verið raðað upp í stafrófsröð í geymslu apóteksins en eiturefnin ekki geymd sérstaklega, og arsenikið blandað fyrir vangá. Sjúklingarnir voru fluttir á Landspítala með hita og mikil uppköst. Uppköstin urðu þeim til lífs því skammturinn hefði annars verið banvænn. Málið var rannsakað af lögreglunni og Landlæknisembættinu.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.