Stormur í aðsigi: Vissara að halda sig innandyra í dag

Mynd: DV ehf / Sigtryggur Ari

Veðurstofa Íslands hefur gular og appelsínugular viðvaranir í öllum landshlutum vegna óveðurs sem mun ganga yfir landið í dag og fram á nótt. Spáð er suðaustan stormi síðdegis á Suður- og Vesturlandi, en í kvöld norðan- og austanlands.

Fram kemur á vef Veðurstofu að samgöngur geti raskast og hætt sé við foki á lausamunum. Þá er búist við mikilli rigningu á suðaustanverðu landinu í kvöld.

Í tilkynningu frá Veðurstofu eru foreldrar og forráðamenn hvött til að fylgja börnum úr skóla/ frístund eða á milli staða eftir þörfum meðan veðrið gengur yfir.Veður hefur versnað á höfuðborgarsvæðinu og eru foreldrar og forráðamenn beðnir að sækja börn sín í lok skóla eða frístundastarfs.Fram kemur að börn séu óhult í skóla og frístundastarfi þar til þau verða sótt. Hér er átt við börn yngri en 12 ára.

Í samtali við mbl.is segir Davíð Már Bjarna­son upp­lýs­inga­full­trúi Lands­bjarg­ar að brýnt sé að fylgj­ast vel með veður­spá og haga ferðum sín­um eft­ir því. Þá eru björgunarsveitir í viðbragðsstöðu vegna stormsins.

„Það er best að halda sig heima. Fólk þarf líka að huga að lausa­mun­um en þeir eru líka stór­ir eins og heit­ir pott­ar sem ekki eru fest­ir niður og trampólín sem við erum greini­lega ekki enn laus við.“

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.