Íbúar ganga gegn stóriðju: Vilja kosningu um kísilmálmverksmiðju

Hvetja bæjarbúa til þátttöku þriðjudaginn 12. maí – „Nú reynir á framkvæmd þess sem talað var um fyrir kosningar um lýðræðisleg vinnubrögð og samráð við íbúana“

Íbúar vilja íbúakosningu um frekari stóriðju í Helguvík.
Höfnin í Helguvík Íbúar vilja íbúakosningu um frekari stóriðju í Helguvík.
Mynd: Sigtryggur Ari Jóhannsson

Íbúahópur gegn frekari stóriðju í Helguvík, ásamt Hestamannafélaginu Mána, hvetja bæjarbúa í Reykjanesbæ til þátttöku í kröfugöngu þriðjudaginn 12. maí næstkomandi.

Tilgangur göngunnar er að skora á bæjarstjórn Reykjanesbæjar að efna til íbúakosninga um kísilmálmverksmiðju Thorsil í Helguvík.

„Hópurinn telur að aldrei muni nást sátt meðal íbúa Reykjanesbæjar um þetta stóra mál öðruvísi en með íbúakosningu,“ segir í yfirlýsingu frá hópnum sem segir að einungis þannig muni fást lýðræðisleg niðurstaða, hver sem hún verður.

„Nú reynir á framkvæmd þess sem talað var um fyrir kosningar um lýðræðisleg vinnubrögð og meira samráð við íbúana.“

Gangan hefst kl. 17:30 við smábátahöfnina og þaðan munu hestar og menn ganga upp Hafnargötuna, inn að ráðhúsinu við Tjarnargötu, þar sem hópurinn mun afhenda oddvitum bæjarstjórnar formlega áskorun þessa efnis.

„Við hvetjum sem flesta til að mæta og hvetja bæjarstjórn til að virkja lýðræðið!“

Facebook-síða hópsins sem stendur fyrir kröfugöngunni.

Þessi grein er af Suðurnesjavef DV, sem er að fullu aðgengilegur áskrifendum. Áskrift kostar aðeins frá 928 kr. á mánuði.
Sjá tilboð »

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.