Bubbi og Steiney deila um sjálfsfróun kvenna: „Ekki nóg að fara bara með höndina ofan í buxurnar mínar“

Tónlistarmaðurinn Bubbi Morthens segir enga þörf á því að kenna ungmennum sjálfsfróun. Þetta segir Bubbi á Twitter-síðu sinni. Því mótmælir Steiney Skúladóttir Reykjavíkurdóttir. Umræðan hófst eftir að Indíana Rós, mastersnemi í kynfræði, tilkynnti á Twitter að hún væri tilbúin að taka að sér kennslu, þar á meðal um sjálfsfróun.

Takk Bubbi fyrir að útskýra þetta fyrir mér, og mínum litla konuheila

„PSA: kennarar, félagsmiðstöðvarstarfsmenn og aðrir gestir - ég er á landinu út janúar og er laus í fræðslur, t.d um sjálfsfróun! Endilega endið á mig línu í DM and spread the word,“ skrifaði Indíana.

Bubbi svarar þessu og segir alla fæðast með þá þekkingu. „Vissir þú ekki þú fæðist með þá þekkingu að fara með lófann í klofið um leið og þú getur, þar er ekkert að kenna því miður,“ skrifar Bubbi.

Steiney svarar þessu og segir: „Segðu mér endilega meira um sjálfsfróun kvenna Bubbi!“ Bubbi sér ekki mikla ástæðu til þessu og skrifar til baka: „Ekki veit hvers vegna þú biður mig um það en nei hef ekki áhuga á því þú hlýtur að geta fundið einhvern annan en mig til þess og ég hef ekki verið að tjá mig um það“.

Þá segir Indíana einnig um þetta innlegg Bubba:

„Hér með tilkynnist það að èg er hætt með kynfræðslur og hætt í master í kynfræði. Einnig hef ég dregið til baka BSc ritgerð mína um sjálfsfróun og sent afsökunarbeiðni á alla þá sem hafa fengið fræðslu. Takk Bubbi fyrir að útskýra þetta fyrir mér, og mínum litla konuheila“

Þá skýrir Steiney mál sitt betur og segir hún fulla ástæðu til að kenna ungum stúlkum rétt handtök. „Því þú varst að segja að það þurfi ekki að kenna neitt um sjálfsfróun eins og þú vitir eitthvað um sjálfsfróun kvenna. Er bara mjög forvitin að vita hvaða þekkingu þú fæddist með? Því ég þurfti að læra mjög margt, var ekki nóg að fara bara með höndina ofan í buxurnar mínar,“ segir Steiney.

Bubbi á svo síðasta orðið og segir: „Ef þú skilur ekki húmor, þá get ég ekki hjálpað þér góðar stundir“.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.