Spáir fjölgun bálfara hjá KR-ingum og Víkingum

Matsáætlun fyrir nýjan kirkjugarð sem áformað er að staðsetja í hlíðum Úlfarsfells hefur verið lögð fram af hálfu borgarinnar. Við gerð nýja kirkjugarðsins verður ekið gríðarlegu magni af mold af framkvæmdasvæðinu við Hlíðarenda, þar sem íþróttafélagið Valur er staðsett. Stefán Pálsson, sagnfræðingur og gallharður Framari, gerir góðlátlegt grín að þessu í færslu á Facebook-síðu sinni en framtíðar íþróttasvæði Fram á að rísa í Úlfarsárdal. Segir Stefán að hinir dauðu verði þar af leiðandi grafnir í Valsmold, með útsýni yfir Framvöllinn. „Spái gríðarlegri aukningu bálfara hjá KR-ingum og Víkingum.“

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.