Ljósmyndasýning í Lækningaminjasafninu á Seltjarnarnesi

Mynd: Gunnlöð

Föstudaginn þann 12. janúar, kl. 17.00 opna útskriftarnemendur Ljósmyndaskólans sýningu í Lækningaminjasafninu á Seltjarnarnesi.

Að þessu sinni útskrifast sjö nemendur: Berglaug Petra Garðarsdóttir, Díana Júlíusdóttir, Gunnlöð Jóna Rúnarsdóttir, Pamela Perez, Sara Björk Þorsteinsdóttir, Sólveig M. Jónsdóttir og Therese Precht Vadum.

Verkefni útskriftarnemenenda eru fjölbreytt og viðfangsefnin af ýmsum toga. Meðal annars er þar fjallað um röskun líkamsímyndar, skynjun og fordóma, aðgreiningu hins karlmannlega og kvenlega og sjónum er beint að hinu smáa í nærumhverfinu. Einnig er hlutgerving kvenna í myndmáli rannsökuð og áhrif samfélagsmiðla á líf samtímamanneskjunnar skoðuð.

Meðal verkanna er líka skrásetning á lífi fjölskyldu sem hefur sumardvöl á Galtarvita sem og lífinu í Þórkötlustaðarhverfinu … en sjón er sögu ríkari.

OPNUNARTÍMI

Opnunardaginn þann 12. janúar er opið til kl. 19.00
Laugardaga og sunnudaga kl. 12.00–18.00
Fimmtudaga og föstudaga kl. 15.00–19.00

Sýningin stendur til sunnudagsins 4. febrúar og verður hluti af Safnanótt sem haldin er á Vetrarhátíð. Á Safnanótt 2. febrúar, verður opið frá 19.00–23.00.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.